Ньурбаҕа «101 сибэкки» диэн ураты аахсыйа буола турар

Бу күннэргэ Ньурба улууһун Үөдэйигэр аныгылыы  тутуулаах, сырдык киэҥ саҥа таас оскуола-уһуйаан үлэҕэ киирээри турар. Онон сибээстээн оскуола салалтата балаҕан ыйын 10 күнүттэн  алтынньы 20 күнүгэр диэри дьиэ сибэккитин  бэлэх уунар  аахсыйаны тэрийдэ.

Бу туһунан нэһилиэк баһылыга Мария Николаева бу курдук иһитиннэрэр:

— Быйыл Үөдэйгэ оскуола аһыллыбыта 101 сылын бэлиэтиибит.  Саҥа оскуола-уһуйаан дьиэтэ быйыл ахсынньыга үлэҕэ киириэхтээх. Билигин ис үлэтэ бара турар. Онон сибээстээн оскуола үлэһиттэрин кытта сибэкки арааһын хомуйар аахсыйаны тэрийбиппит. 

Дьокуускай куораттан, улуус нэһилиэктэриттэн дьон эмиэ аахсыйаҕа кыттан сибэкки арааһын ыытан эрэллэр.

Оннооҕор мин Бүлүү педучилищетыгар бииргэ үөрэммит дьүөгэлэрим «биһиги ааппытыттан сибэккитэ атыылас» диэн  харчы  кыттыһан  ыыппыттар. 

... Ити курдук, бэртээхэй аахсыйаны ыытан, бу күннэргэ үлэҕэ киирэн эрэр  Үөдэй оскуола-уһуйаанын үлэһиттэрэ оскуолаларын сибэкки арааһынан киэргэтэн эрэллэр.