Оҕо саас сылыгар бастакынан кыыс оҕо күн сирин көрдө

Саҥа дьыл буолар түүнүгэр, 00:30 чааска, Дьокуускайга Перинатальнай кииҥҥэ  3440 гр. ыйааһыннаах кыыс оҕо күн сирин көрбүтүн туһунан Ил Дархан Айсен Николаев бэйэтин телеграм-ханаалыгар иһитиннэрдэ. 

«Кырачаан кыысчаан Иннокентьевтар дьиэ кэргэннэригэр үһүс оҕонон күн сирин көрдө. Саха сиригэр  Оҕо саас сылыгар маҥнайгынан күн сирин көрбүт оҕонон буолар. Дьоллоох төрөппүттэри ис сүрэхпиттэн эҕэрдэлиибин. Кырачаан кыыс этэҥҥэ улааттын, чугас дьонугар үөрүүнү эрэ аҕаллын!», —  диэн Айсен Сергеевич үөрүүтүн үллэстибит.