Оҕолор суруктара буойуттары кыайыыга кынаттыа

Олунньу 7 күнүгэр Дьокуускай куорат Айыы Кыһатын национальнай гимназиятын 9а кылааһын үөрэнээччилэрэ  байыаннай дьайыыга дойдуларын көмүскүү сылдьар саха буойуттарыгар ис сүрэхтэриттэн махтанан туран сурук суруйдулар.

Үөрэнээччилэр сылаас сымнаҕас тыллар ыраах сылдьар саха ньургун уолаттарын дууһаларын сылаанньытыа, дойдуларын тыынын биэриэ диэн эрэллээхтэр.
Оҕолор кылааска иһийэн олорон, ону-маны ырааҕынан эргитэ санаан, буойуттар төрөөбүт төрүт дойдуларыгар этэҥҥэ тыыннаах төннөллөрүгэр баҕардылар. Хайдах курдук сэриигэ ыараханын бүтэй бэйэлэрэ эттэринэн-хааннарынан сэрэйэллэрин этэн туран, Кыайыы эрэ көтөллөөх төрөөбүт сирдэригэр-уоттарыгар эргиллэн кэлэллэригэр саарбахтаабаттарын эттилэр.