Оҕотун көмүскэспит ийэни эчэттилэр

ИДьМ пресс-сулууспата иһитиннэрбитинэн, Дьокуускай куорат 4-с №-дээх полиция салаатыгар мэдиссиинэ тэрилтэтиттэн иһитиннэрии киирбит.

Сыҥааҕа тостубут дьахтар мэдиссиинэ көмөтүгэр наадыйбытын туһунан иһитиннэрбиттэр. Полиция участковайа бэрэбиэркэтин түмүгүнэн биллибитэ, эмсэҕэлээбит дьахтары 50 саастаах кэргэнэ итирэн баран эчэппитэ биллибит. Ол курдук, эр киһи кыбартыыратыгар олорон арыгы испит. Кыбартыыраҕа кэргэнэ уонна эрдэҕэс саастаах кыыһа бааллар эбит.  Эр киһи итирэн баран оҕотун кытта тыл-тылга киирсибэккэ кыыһырсан турбуттар, дьахтар кыыһын көмүскэспит. Онуоха эр киһи сутуругунан кэргэнин сирэйгэ охсон сыҥааҕын тоһуппут. Оҕо мэдиссиинэ «суһал көмөтүн» ыҥырбыт.

Арассыыйа Федерациятын холуобунай кодексатын 112 ыст. 1 ч. киһини соруйан эчэтии иһин холуобунай дьыала тэриллибит.