Улуустар икки ардыларыгар оптуобус хайдах сылдьарый?

СӨ Тырааныспарга уонна суол хаһаайыстыбатыгар министиэристибэтэ өрөспүүбүлүкэ иһинээҕи улуустар икки ардыларыынаҕы оптуобус маршруттарын үлэтин туһунан иһитиннэрэр. Билиҥҥи туругунан, нэһилиэнньэҕэ анаан 7 сүрүн маршрут үлэлиир.

Үлэлиир маршруттар испииһэктэрэ

• № 201: Дьокуускай — Покровскай — Мохсоҕоллоох — Дьокуускай.
• № 202: Дьокуускай — Маҕарас — Бэрдьигэстээх — Дьокуускай.
• № 203: Дьокуускай — Нам — Хатырык — Дьокуускай.
• № 206: Аллараа Бэстээх — Чурапчы — Аллараа Бэстээх (сайын ).
• № 206А: Дьокуускай — Аллараа Бэстээх — Чурапчы — Аллараа Бэстээх — Дьокуускай (кыһын).
• № 209 уонна № 211: Дьокуускай —Жатай — Дьокуускай (Саҥа дьылтан).

Бу дьыл тохсунньуттан балаҕан ыйыгар диэри ити маршруттарынан барыта 822,5 тыһыынча пассажир айаннаабыт, 18 тыһыынча рейс толоруллубут.

• Саамай элбэх пассажирдаах маршрут — Дьокуускай — Жатай. Манна 769,3 тыһыынча киһи таһыллыбыт.
• Покровскай, Бэрдьигэстээх, Нам, Чурапчы хайысхаларыгар 53,2 тыһыынча пассажир айаннаабыт.

Сыана хайдах быһылларый?

Оптуобус сыанатын  СӨ Сыанаҕа бэлиитикэтин кэмитиэтэ бигэргэтэр. Атыылаһыллар билиэт сыаната дьиҥнээх ороскуоттан (бэнсиин, массыына өрөмүөнэ, хамнас) намыһах буолар. Онуоха тиийбэт өттүн өрөспүүбүлүкэ бүддьүөттэн толуйар, онон пассажирдарга сыаната чэпчэкинэн хаалар.