Пиэрибэй маайдааҕы параад буолбат буолла

Дьокуускай куоракка Үлэ бырааһынньыгар ыам ыйын 1 күнүгэр  сэлэлээн хаамыы былырыын  Киров уулуссатынан  ыытыллыбыта. Быйыл эмиэ туһааннаах хайысханан үлэ кэлэктииптэрин  холуонналара хаамыахтаахтар этэ.

Бүгүн, муус устар 19 күнүгэр, СӨ Идэлээх сойуустарын федерациятын президиума Саха сиригэр Бүтүн Арассыыйатааҕы Пиэрибэй маай аахсыйатын хайдах былааннаахтык ыытары быһаарда.  Ол курдук  аахсыйалар онлайн-киэбинэн ыытыллыахтара.

Маны таһынан СӨ Идэлээх сойуустарын федерацията үлэ кэлэктииптэрэ демонстрацияҕа кыттар   сайаапкаларын көтүрэр, ол эбэтэр параад  ыытыллыбатын туһунан быһаарыныы ылынна.