Саха чулуу бөҕөһө Роман Дмитриев бүгүн – Олимпиадаҕа кыайбыт күнэ

Бүгүн, атырдьах ыйын 31 күнүгэр, саха аатырбыт бөҕөһө Роман Дмитриев 1972 сыллаахха Мюнхеҥҥа ыытыллыбыт Олимпийскай оонньууларга тустан кыайан Олимпийскай чөмпүйүөн буолбут бэлиэ күнүнэн буолар.  

Роман Михайлович өрөгөйдөөх күнүттэн, номнуо 51 сыл ааста, ол гынан баран, биһиги ыраах хоту дэриэбинэттэн кэлбит уол Олимпийскай чыпчаалы кыайа-хото тутан, саха успуордун устуоруйатыгар ол улуу түгэнин умнубаппыт, мэлдьи өйдүү-саныы сылдьабыт.

Кини киһи быһыытынан олус сэмэй, дириҥ өйдөөх-санаалаах, муударай, киһи киэнэ кэрэмэһэ этэ диэн доҕотторо ахтан-санаан ылаллар. Роман Дмитриев туһунан сырдык өйдөбүл үүнэр көлүөнэни саҥа кирбиилэргэ, кыайыыларга угуйа туруоҕа диэн эрэнэбит.