Сүрүн

Саха сирэ уонна ЛНӨ бииргэ үлэлиир туһунан сөбүлэһиини түһэристилэр

Ааптар: Саха Сирэ

04.04.2024, 16:58

Хаартыска sakha.gov.ru ылылынна

Бөлөххө киир:

СӨ Бырабыыталыстыбата уонна Луганскай Норуодунай Өрөспүүбүлүкэ бииргэ үлэлиир туһунан сөбүлэһиини түһэристилэр. Докумуоҥҥа СӨ Ил Дархана Айсен Николаев уонна ЛНӨ баһылыга Леонид Пасечник илии баттаатылар.

Сөбүлэһии сыалынан-соругунан эргиэҥҥэ-экэниэмикэ, научнай-тэхиньиичэскэй, социальнай уонна култуура эйгэтигэр норуоттар икки ардыларынааҕы бииргэ үлэлээһини кэҥэтии уонна бөҕөргөтүү буолар. Эрэгийиэннэр хардарыта сибээстээх үлэлэрин тутуу, тыа хаһаайыстыбатын, инновация, үөрэх уонна наука, доруобуйа харыстабылын, уо.д.а. салааларын сайыннарар санаалаахтар.

Докумуон 5 сыллаах болдьоххо суоттанна уонна илии баттаммыт күнүттэн күүһүгэр киирдэ.

«Саха сирэ уонна ЛНӨ социальнай-экэнэмиичэскэй эйгэҕэ үлэтэ номнуо олохтонно уонна бүгүн илии баттаабыт докумуоммут, эрэгийиэннэр икки ардыларыгар хардарыта сибээһи бөҕөргөтөн биэрэр. ЛНӨ күүстээх бырамыысыланнай потенциал тэрилиннэ.

Чугастааҕы кэмҥэ биһиги хардарыт, биэс сылга сибээспит биллэ кэҥиэ уонна бөҕөргүө диэн эрэнэбин», — диэн эттэ Ил Дархан докумуоҥҥа илии баттаан баран.

«Эрэгийиэннэр икки ардыларыгар эргиэн-экэнэмиичэскэй, научнай-тэхиньиичэскэй, социальнай, культурнай уонна да атын бииргэ үлэлээһин туһунан сөбүлэһиигэ илии баттанна. Бу биһиги Саха сирин кытары үлэбитинэн сыһыаммытын сайыннарарга дьоһун хардыы», — диэтэ ЛНӨ баһылыга Леонид Пасечник. — Биһиги номнуо бигэтик уонна кытаанахтык доҕордостубут. Аны билигин араас эйгэҕэ сибээспитин сайыннарабыт».

Түмүккэ Ил Дархан ЛНӨ баһылыгар сулууспалыы сылдьар Саха сирин байыаннай сулууспалаахтарыгар көмөтүн, өйөбүлүн иһин махтанна.

СӨ Ил Дарханын уонна Бырабыыталыстыбатын пресс-сулууспата

Саха сирэ уонна ЛНӨ бииргэ үлэлиир туһунан сөбүлэһиини түһэристилэр

Сообщить об опечатке

Текст, который будет отправлен нашим редакторам: