Саха сиригэр хантараагынан байыаннай сулууспаҕа сүүмэрдиир көһө сылдьар мобильнай пуун үлэлиир

Саха сиригэр чугастааҕы улуустарынан хантараагынан сулууспаҕа сүүмэрдиир мобильнай пуун үлэлиир.

Бу туһунан бүгүн, кулун тутар 19 күнүгэр, Дьокуускайга байыаннай сулууспаҕа сүүмэрдиир пуун инструктора, ыстаарсай прапорщик Алексей Колесов иһитиннэрдэ.

Кини Хаҥалас, Нам уонна Горнай улуустарынан нэһилиэнньэ ортотугар иһитиннэрэр- аҕытаассыйалыыр үлэ ыытыллыбытын бэлиэтээтэ. Сотору кэминэн мобильнай пуун өрүс суола аһыллыбытын кэннэ, илин эҥээр улуустарынан айанныаҕа.

«Мобильнай пуун инструктордара олохтоох дьону хантараакка сүүмэрдээһин, социальнай чэпчэтиилэр уонна мэктиэлэрин, байыаннай сулууспаҕа киирии ирдэбиллэрин тустарынан иһитиннэриилэри нэһилиэнньэҕэ тиэрдэллэр. Бары ыйытктары  32-10-40 төлөпүөнүнэн билсиэххэ сөп эбэтэр службапоконтракту14.рф саайка сайаапка түһэриэххэ сөп», — диэн Дьокуускайга байыаннай сулууспаҕа сүүмэрдиир пуун инструктора, ыстаарсай прапорщик Алексей Колесов кэпсээтэ.

СӨ Ил Дарханын уонна Бырабыыталыстыбатын пресс-сулууспата