Саха сиригэр миллионеры көрдүүллэр

«Национальная Лотерея» диэн судаарыстыбаннай лотереялар бреннэрэ Саха сиригэр миллионеры көрдүүр. Бу дьоллоох киһи Саҥа дьыллааҕы лотереяҕа 1 мөлүйүөн солкуобайы сүүйбүт уонна сибээскэ тахсыбатах. Бу туһунан лотереялар оператордарын пресс-сулууспата иһитиннэрэр.

Дьоллоох билиэти Өймөкөөн сэлиэнньэтин Светлэй уулуссатын 8 нүөмэрдээх дьиэтигэр баар Арассыыйа Почтатыттан атыыласпыттара биллэр.

«Кыайыылаахтары кытта лотерея бүппүтүн кэннэ тута сибээскэ тахсабыт. Билигин дойду үрдүнэн 63 кыайыылааҕы булбакка сылдьабыт. Билиэттээх дьон нүөмэрдэрин бэрэбиэркэлииллэригэр ыҥырабыт. Маны nloto.ru саайтка көрүөххэ, итиэннэ 8-800-333-7-333 нүөмэргэ эрийэн билсиэххэ сөп», — диэн «Национальнай Лотереяҕа» иһитиннэрэллэр.