Саха сиригэр туйахтаах кыыллары аһаталлар

Ааспыт 2022-2023 сыл туйахтаах кыыллар кыстыктарыгар олус ыараханнык ааспыта.  Ол эрээри айылҕа харыстабылын үлэһиттэрин сыралаах үлэлэрин түмүгэр тыаҕа туйахтаах кыыллары аһатыы тэриллибитэ. Чуолаан, туртастары.

Быйыл эмиэ экология иниспиэктэрдэрэ хаһааҥҥытааҕар даҕаны эрдэ биотэхиньиичэскэй үлэлэри ыытыыны саҕалаабыттара. Ол курдук, “Кэҥкэмэ” эркээйи сир сиригэр-уотугар госиниспиэктэрдэр Г.И. Оконешников, А.Н. Копырин уонна В.Е.Миронов бу сыл тохсунньу 4 күнүттэн 15 күнүгэр диэри кыыллары эбии аһатыыны тэрийдилэр.

Иниспиэктэрдэр аһатар былаһааккаларга хатыҥтан 60 былаҕы уонна 100 киилэ тууһу кыылларга анаан тарҕаттылар. Ити миэстэлэргэ эбии өссө аҕалан уура туруохтара.