Саха сиригэр үс сураҕа суох сүппүт киһини көрдөөһүн салҕанар

Ыам ыйын 19 күнүнээҕи туругунан Саха сиригэр үс сураҕа суох сүппүт киһини көрдөөһүн салҕанар.

Ол курдук, Мэҥэ Хаҥалас оройуонугар 1965 сыллааҕы төрүөх сылгыты көрүүллэр. Эр киһи муус устар 26 күнүгэр Уут Ыйаабыт сылгы баазатыгар тахсыбыт уонна сураҕа суох сүппүт. Ыам ыйын 10 күнүгэр старшай Валерий Андросов салайааччылаах быыһааччылар бөлөхтөрө көрдөөһүҥҥэ таҕыспыттар. Ыам ыйын 18 күнүгэр 8 киһи Уут Ыйаабыттан «Ганя» үрэх төрдүгэр диэри 22 биэрэстэ кэриҥэ сири чинчийбиттэр, 4 үүтээни бэрэбиэркэлээбиттэр. Ону сэргэ БПЛА туһаныллыбыт. Түмүк суох, үлэ салҕанар.

Ыам ыйын 13 күнүгэр 00.05 чааска Үөһээ Бүлүү улууһун Кэнтик нэһилиэгиттэн 20 км ыраах Түбэ диэн сиргэ 1987 с.т. эр киһи сүппүтүн туһунан сайабылыанньа киирбит. Эр киһи доҕотторун кытта ыам ыйын 6 күнүгэр бултуу тахсыбыттар. Ыам ыйын 13 күнүгэр 00:03 чааска кинилэр чугас булчуттарга тахсан, рация көмөтүнэн сибээскэ тахсыбыттар уонна киһи сүппүтүн туһунан тыллаабыттар. Доҕотторо этэллэринэн, Хабаров үүтээнтэн 21.20 чааска тахсыбыт уонна төннүбэтэх. Көрдөөһүн икки бөлөҕүнэн ыытыллар. Билиҥҥитэ киһини көрдөөһүн түмүгэ суох.

Ыам ыйын 6 күнүгэр Өлүөхүмэ ЕДСС сулууспатыгар 1960 с.т. эр киһи Сайылык диэн сиргэ сүппүтүн туһунан иһитиннэрии киирбит. Икки эр киһи ойуурга тахсыбыттар, олортон биирдэстэрэ сураҕа суох сүппүт. Эр киһи быһаҕын, төлөпүөнүн илдьэ барбыт уонна сүппүт. Бу туһунан Саха сиринээҕи Быһыыр сулууспатын пресс-сулууспата суруйар.