Саха сирин 300-чэ олохтооҕо ГТО туйгуна бэлиэни тутта
![](https://sakha-sire.ru/wp-content/uploads/2023/04/979140ed-9644-4922-9e10-29d7bc5fc521-900x596.jpg)
Өрөспүүбүлүкэ күнүгэр Дьокуускай куорат Кыайыы болуоссатыгар «Готов к труду и обороне» (ГТО) Бүтүн Арассыыйатааҕа физкултуура-успуорт комплексын ураты бэлиэтин бастыҥ көрдөрүүлээхтэргэ туттардылар. Ол туһунан СӨ физическэй култуура уонна маассабай успуорт салалтатын пресс-сулууспата иһитиннэрэр.
Үөрүүлээх тэрээһиҥҥэ СӨ физическэй култууратын уонна успуордун миниистирэ, дьокутааттар, өрөспүүбүлүкэ министиэристибэлэрин, биэдэмэстибэлэрин, онтон да атын тэрилтэлэрин бэрэстэбиитэллэрэ кытыннылар.
«Бүгүҥҥү өрөгөйдөөх күҥҥэ ГТО ураты бэлиэтин маннык үөрүүлээх быһыыга-майгыга туттарарбыт, эһиги бастыҥтан-бастыҥ буоларга дьулуһаргытын бэлиэтиир. Эһиги олоххутугар тургутууну туоруурга куруутун бэлэм уонна олоххо көхтөөх буолуҥ», — диэн Леонид Спиридонов эттэ.
Бу күн ГТО кыһыл көмүс, үрүҥ көмүс уонна боруонса түөскэ кэтэр ураты бэлиэлэрин 300-чэ киһиэхэ туттардылар. Кыттааччылар уон үс эрээтинэн сэлэлии турдулар, кинилэри хас биирдиилэрин ыҥыран, бэлиэлэрин түөстэригэр ииллилэр, инники өттүгэр ситиһиилэри баҕардылар, Өрөспүүбүлүкэ күнүнэн эҕэрдэлээтилэр.
![](https://sakha-sire.ru/wp-content/uploads/2023/04/7817dafa-c0e2-4261-ba3c-9f90193c6659.jpg)
![](https://sakha-sire.ru/wp-content/uploads/2023/04/979140ed-9644-4922-9e10-29d7bc5fc521.jpg)
![](https://sakha-sire.ru/wp-content/uploads/2023/04/7266384b-59c6-4ce7-b5f3-e1000e857a17.jpg)
![](https://sakha-sire.ru/wp-content/uploads/2023/04/eda3c007-d99a-43a6-b1d3-e200f89a7d64.jpg)
![](https://sakha-sire.ru/wp-content/uploads/2023/04/f0531674-739a-459c-8592-651fcc3ec2d9.jpg)
Сообщить об опечатке
Текст, который будет отправлен нашим редакторам: