Саха сирин хамаандата «Арассыыйатааҕы устудьуон сааһыгар» кыайда

Саха сирин устудьуоннарын хомуур хамаандата «Арассыыйатааҕы устудьуон сааһыгар» гран-при бирииһи ылла. Кинилэр Бүтүн Арассыыйатааҕы бэстибээл «Эрэгийиэннээҕи бырагыраама» диэн диэн хайысхатыгар кыайдылар. Бу туһунан М.К. Аммосов аатынан ХИФУ пресс-сулууспата иһитиннэрэр.

Саха сирин хомуур хамаандатыгар ХИФУ, АГИКИ, АГАТУ устудьуоннара талыллан киирбиттэр. Кинилэр «На крыльях весны» диэн бырагырааманы көрдөрбүттэр. Сценарийын култуура туйгуна Татьяна Егорова суруйбут, режиссер — «Сэргэлээх уоттара» киин дириэктэрэ Алексей Константинов.

Кэнсиэргэ салайааччылары киллэрэн туран, барыта 59 киһи кыттыбыт. Оттон бэстибээлгэ 80-тан тахса эрэгийиэнтэн барыта 3,5 тыһыынча киһи кыттыыны ылбыт. Устудьуоннар 10 хайысханан 54 номинациянан 1,5 тыһыынча нүөмэрдэри көрдөрбүттэр. Аныгыскы бэстибээл Саратовскай уобаласка буолар.