Хаартыска: Успуорт министиэристибэтэ
Никита Кудряшов салайааччылаах «Полярные волки 2017» хамаанда Уһук Илин уокуругар оҕолорго хоккейга лигатын «А» бөлөҕөр бастакы түһүмэҕин кыайда. Биһиги уолаттарбыт күрэхтэһии бүтэһик мүнүүтэлэригэр оонньуу хаамыытын тосту уларытан, дьиҥнээх кыайыыга дьулуурдарын көрдөрдүлэр.
Күрэхтэһиигэ уопсайа аҕыс хамаанда кытынна. Саха сирин эдэр хоккеистарын саамай сүрүн киирсиилэринэн Хабаровскайдааҕы «Амур 2017» сүрүн састаабын кытта оонньуулара буолла. Бу тыҥааһыннаах көрсүһүүгэ биһиги уолаттарбыт 2:1 ахсаанынан кыайыыны ситистилэр.
Бастакы миэстэ дьылҕата күрэхтэһии бүтэһик күнүгэр Хабаровскай «Лидер» хамаандатын кытта көрсүһүүгэ быһаарылынна. Оонньуу бүтүөн икки мүнүүтэ хаалбытын кэннэ саха уолаттара 4:5 ахсаанынан хотторон иһэннэр, санааларын түһэрбэккэ, мууска дьиҥнээх хорсун быһыыны көрдөрдүлэр. Бастаан «Полярные волки 2017» ахсааны тэҥнээтилэр, онтон салгыы өссө икки шайбаны киллэрэн, 7:5 ахсаанынан чаҕылхай кыайыыны сулбу тардан ыллылар!
«Эдэр хоккеистарбытын уонна кинилэр тириэньэрдэрин Никита Руслановиһы улахан ситиһиилэринэн истиҥник эҕэрдэлиибит! Хамаанда дьиҥнээх сомоҕолоһуутун уонна кыайыыга дьулуурун көрдөрдө. Саха сирэ эһигинэн киэн туттар! », — диэн Успуорт министиэристибэтэ суруйар.
Оҕо хоккейын сайыннарыы уонна кыра саастарыттан успуордунан дьарыктаналларыгар усулуобуйаны тэрийии «Арассыыйа успуорда» судаарыстыбаннай бырагыраама сүрүн хайысхаларынан буолаллар.
Матвей Васильевич Мучин олохтон туораабытын туһунан курус сонуну дириҥ хомолтону кытта иһиттим. Кини 86 сааһыгар…
Арассыыйаҕа дьон тумуунан ыалдьыбыт көрдөрүүтэ салгыы үрдээн иһэр. Ааспыт нэдиэлэҕэ дойду үрдүнэн 614 тыһыынчаттан тахса…
Бүгүн, алтынньы 28 күнүгэр, Арассыыйа үрдүнэн саамай сырдык уонна истиҥ бырааһынньыктарбытыттан биирдэстэрэ — күлүмнэс мичээрдээх,…
Саха сиригэр Службапоконтракту14.рф саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация Сэбилэниилээх…
Синоптиктар иһитиннэрэллэринэн, бүгүн, алтынньы 28 күнүгэр, өрөспүүбүлүкэ үксүгэр кыралаан, оттон хоту улуустарга сорох сирдэринэн хаар…
Өрөспүүбүлүкэ нэһилиэнньэлээх пууннара массыына кыһыҥҥы суола аһыллыар диэри ирдэнэр кээмэйдээх оттук-энэргэтиическэй саппааһынан олоччу хааччылыннылар. Бу…