Саха сиригэр хантараагынан байыаннай сулууспаҕа сайаапкалары Службапоконтракту14.рф саайтка хомуйаллар

Саха сиригэр Службапоконтракту14.рф саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. 

Российскай Федерация Сэбилэниилээх күүстэрин кэккэтигэр байыаннай сулууспаҕа хантаараак түһэрсиэн баҕалаах гражданнар Службапоконтракту14.рф саҥа саайтка киирэн, сайаапка хаалларыахтарын сөп. Инструктордар киирбит сайаапкаларынан кылгас болдьох иһигэр пууҥҥа эбии иһитиннэриилэри бириэхтэрэ.

Дьокуускай, Нерюнгри уонна Мииринэй пууннарынан дойду Сэбилэниилээх күүстэрин хаҥатыыга үлэлэрин салгыыллар. Хас биирдии хандьыдааты кытта пуун инструктордара кэпсэтэллэр, ол түмүгүнэн байыаннай идэтин быһаараллар.

Хантараагынан сулууспалыыр байыастарга көрүллэр социальнай чэпчэтиилэр уонна мэктиэлэр туһунан иһитиннэриилэри маннык аадырыстарынан ылыахха сөп: Дьокуускайга — Чепалов уул., 23 дь., Сэргэлээхтиир шоссе, 1 дь., Нерюнгрига — Чурапчинская уул., 33 куорпус 3 дь., Мииринэйгэ – 40 лет Октября уул., 26 дь.. Бары кииннэр 09:00-18:00 ч. өрөбүлэ суох үлэлииллэр. Ону тэҥэ байыаннай комиссариакка уонна дьаһалтаҕа тиийиэххэ сөп.

Онуоха маннык докумуоннардаах буолуохтаахтар: пааспар, СНИЛС, ИНН, үөрэх докумуона, байыаннай билиэт, оҕо төрөөбүтүн уонна оҕоломмутун туһунан туоһу сурук.
Хантараагынан байыаннай сулууспаҕа киирбит дьоҥҥо биир кэмнээх төлөбүрдэр төлөнөллөр.

Сиһилии суукканы быһа төлөпүөнүнэн эрийэн билсиэххэ сөп: 8 (4112) 32-10-40, 8 (924) 166-13-93.