Саха сирин сүрүн харыйатын уота күлүмүрдүү умайда

Саха сирин сүрүн харыйатын уота күлүмүрдүү умайда

01.12.2022, 17:57
Бөлөххө киир:

Бүгүн, ахсынньы 1 күнүгэр, “Кыһын Саха сириттэн саҕаланар бэстибээл» чэрчитинэн Ленин болуоссатыгар  үгэс буолбут   Саҥа дьыллааҕы харыйа уота күлүмүрдүү умайда.

Бу күн саха сирин бары улуустарыгар 16 чааска харыйалар уоттара күлүмүрдээн, Саха сиригэр чысхаан тымныылаах кыһын кэлбитин биллэрэллэр. Бүгүн Ленин болуоссатыгар хаһааҥҥытааҕар да элбэх киһи, оҕо-аймах мустубут. Онуоха күн-дьыл да туран биэрэн, дьон мустуутун хааччыйда.

Өрөспүүбүлүкэ киин болуоссатыгар турар Саҥа дьыллааҕы харыйа уота умайыан иннинэ СӨ Бырабыыталыстыбатын Бэрэссэдээтэлэ Андрей Тарасенко Ил Дархан, бырабыыталыстыба ааттарыттан мустубут дьону кэлэн иһэр Саҥа дьылынан эҕэрдээлээтэ уонна   Саха сирин бары олохтоохторугар дьолу, эйэни уонна бары баҕа санаалара туоларыгар баҕарда.

Эҕэрдэ кэнниттэн Чысхаан Тымныы Кыһын оҕонньорго Өймөкөөн улууһун Томторун Эбэ Хайатыттан  аҕалбыт Тымныы символын туттарда.

Дьэ, күүтүүлээх түгэн үүнэн болуоссакка мустубут дьон бары: «Харыйабыт уота умай!» диэттэрин кытта, Саҥа дьыллааҕы харыйа уоттара күлүмүрдүү умайдылар.

Урбаанньыт, эдэр аҕа Николай Макаров сыл аайы дьиэ кэргэнин кытта кэлэн, өрөспүүбүлүкэ сүрүн харыйатын уотун тэҥҥэ уматан барар үгэстээхтэр эбит.

Бүгүн дьоно бары үлэ-үөрэх түбүгэр сылдьан, кыайан кэлбэтэхтэр. Онон дьиэ кэргэн үгэһин ыал аҕата салҕаан, бэйэтэ кэлэн харыйа уота умайыытын хаартыскаҕа уонна видеоҕа уһулла.

10 улуустан «Полюс холода — Верхоянск» сүүрүктэр кулууптарыгар түмсүбүт дьон Саҥа дьыллааҕы харыйа уотун уматыыга анаан сүүрэн кэлбиттэр. Соруктарын ситиһээт, уопсастыбанньыктар салгыы сүүрэ турдулар.

Ити курдук, Саха сирин киин болуоссатыгар Саҥа дьыллааҕы харыйа араас уотунан күлүмүрдээн,  Саҥа дьыллааҕы аптаах күннэр үүммүттэрин биллэрдэ.

Оттон Орджоникидзе болуоссатыгар Дьокуускай куорат харыйатын уоттара күлүмүрдүү умайаатын кытта, үлэһит пони аттар,

табалар, кырачааннары хатааһылаппытынан бардылар.

Сахалыы тыыннаах Дьокуускай куорат күөх харыйатын тула куорат олохтоохторо уонна ыалдьыттара  бу күнү бэлиэтик көрсүбүттэрин бигэргэтэн, хаартыскаҕа түстүлэр.

Хаартыскаҕауонна видеоҕа ааптар түһэриитэ уонна устуута. Саргылаана  Луковцева уонна Мария Васильева түһэриилэрин туһанныбыт.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -14°C
  • Ощущается: -20°Влажность: 43% Скорость ветра: 3 м/с

Сообщить об опечатке

Текст, который будет отправлен нашим редакторам: