Саха сирин тэрилтэлэрэ байыаннай дьайыы буола турар сиригэр өссө 12 массыынаны ыытыахтара

СӨ Суһал ыстааба байыаннай дьайыы кыттыылаахтарын эбии малынан хааччыйыы үлэтин салгыыр. Ол курдук, өрөспүүбүлүкэ тэрилтэлэрэ массыыналарын ыытан эрэллэрин туһунан СӨ гражданскай оборуонаҕа уонна нэһилиэнньэ олоҕор куттал суоһаабатын хааччыйар миниистири солбуйааччыта Яна Наумова иһитиннэрдэ диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.

«Бүгүҥҥү күҥҥэ байыаннай дьайыы буола турар сиригэр 12 массыына барарга бэлэм. Кэлэр нэдиэлэҕэ байыастарга ыытыллыахтара», — диэн миниистири солбуйааччы иһитиннэрдэ.

Кини бэлиэтээбитинэн,  «Якутия с тобой», «Илии сылааһа», «Боевые шелкопряды» уо.д.а. тэрилтэлэр байыаннай дьайыыттан уоппускаҕа кэлбит байыастарга көмөлөһөллөр.