Салгыы
Саха сирин учуонайдара тутууга саҥа инновационнай матырыйаалы туһанарга этии киллэрдилэр

Саха сирин учуонайдара тутууга саҥа инновационнай матырыйаалы туһанарга этии киллэрдилэр

18.04.2024, 16:58
Хаартыска: ru.freepik.com
Бөлөххө киир:

Саха сиринээҕи тутууга судаарыстыбаннай научнай-чинчийэр институт («ЯкутПНИИС» АУо) дьиэлэри тутууга үлүннэриллибит вермикулиты туһанарга этии киллэрдилэр.

ЯкутПНИИС чинчийиитэ көрдөрбүтүнэн, ылыллыбыт матырыйаал сылааһы тутар, тыаһы киллэрбэт. Ону тэҥэ баһаартан куттала уонна киһиэхэ буортута суох. Бу матырыйаалы истиэнэни, дьиэ үрдүн, муостаны, цокольнай чааһын бүрүйүүгэ туһаныахха сөп. Вермикулиты муостаны тэлгэтиигэ, этээстэр икки ардыларынааҕы бүрүөһүҥҥэ, чардаактарга көдьүүстээхтик тутталлар.

Хаартыска: sakha.gov.ru

Тутуу институтун учуонайдара Саха сирин соҕуруу өттүгэр Алдан оройуонугар  Арассыыйаҕа вермикулит бөдөҥ баайдаах сир баарын бэлиэтииллэр. Онон бу кэскиллээх баазаҕа саҥа инновационнай матырыйаалы оҥорон таһаарыахха сөп. Үлүннэриллибит вермикулиты Саха сирин тутуу комплексыгар туһаналлара сабаҕаланар. Арктика оройуоннарыгар олус туһалаах буолуоҕа.

Санатан эттэххэ, Саха сирин баһылыга Арктиканы сайыннарар туһунан  стратегическай ыйааҕынан Саха сирин Арктика оройуоннарыгар толору хааччыллыылаах уоту кэмчилиир олорор дьиэлэри тутууну саҕалыырга сорудахтаабыта.

Ил Дархан Ыйааҕын сүрүн хайысхаларыттан биирдэстэринэн саахалланар дьиэлэртэн Саха сирин Арктика түөлбэтин биэс бырыһыантан итэҕэһэ суох нэһилиэнньэтин көһөрөн, тупсаҕай эйгэни тэрийии ааттаммыта. «Олорор дьиэ-уот уонна куорат тупсаҕай эйгэтэ» нациоанльнай бырайыагы РФ Бэрэсидьиэнэ Владимир Путин көҕүлүүр.

СӨ Ил Дарханын уонна Бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
22 мая
  • 17°C
  • Ощущается: 15°Влажность: 23% Скорость ветра: 5 м/с

Сообщить об опечатке

Текст, который будет отправлен нашим редакторам: