Саха сирин үрдүнэн күнүс 12:00 чааска 61,74 % киһи куоластаата

Бүгүн, кулун тутар 17 күнүгэр, Арассыыйа Бэрэсидьиэнин быыбарыгар үһүс быһаарыылаах күнүн 12:00 ч. туругунан быыбардааччы уопсай ахсааныттан 61,74 % киһи куоластаата.

Дойду баһылыгын  быыбара Саха сиригэр билиҥҥитэ көхтөөхтүк баран иһэр, туох да быһылаан, айдаан тахсыбыта биир да учаастакка бэлиэтэммэтэ. Нэһилиэнньэ көхтөөхтүк, үгүс улуустарга, сахалыы таҥнан-саптан, настарыанньалара өрө көтөҕүллэн кэлэн куоластаатылар. Быыбар салҕанар.