Саха сирин олохтоохторо 2,7 тыһыынча чүмэчини оҥорбуттар

Байыаннай дьайыыга  сылдьар байыастарбытыгар Саха сирин волонтердара гуманитарнай көмөнү ыыттылар.

Ол курдук, уопсайа 100 аадырыстаах баһыылка ыытылынна. Өрөспүүбүлүкэтээҕи хаһыаттары, суһал наадалаах мал-сал уонна Аҕа дойдуну көмүскээччилэр күннэринэн бэлэхтэри ыыттылар. Бу туһунан бүгүн брифинг кэмигэр #МЫВМЕСТЕ Арассыыйатааҕы аахсыйа эрэгийиэннэҕи ыстаабын салайааччыта Айыллаан Винокуров иһитиннэрдэ.

«Аахсыйа чэрчитинэн актыбыыстар уонна ким көхтөөх бары кыттан уопсайа 2,7 тыһ. блиндажнай чүмэчини оҥорбуттара. Аҕа дойдуну көмүскээччилэр күннэрин көрсө байыастарга бэлэх оҥоруу аахсыйата ыытылла турар», — диэн иһитиннэрдэ.

Көмөнү Дьокуускай куорат Орджоникидзе уулуссатын 10 №-дээх аадырыска аҕалан тиксэриэххитин сөп. Көмө хомуйар пуун сарсыарда 10 чаастан киэһэ 19.00 чааска диэри үлэлиир.