Киллэмҥэ ийэлээх кыыһы быыһаатылар

Кулун тутар 23 күнүгэр 21 ч.27 м.  СӨ быыһыыр сулууспатыгар «112» нүөмэринэн, Киллэмҥэ ийэ кыыһынан көмөҕө наадыйалларын туһунан суһал иһитиннэрии киирбит. Быыһааччылар Дьокуускайтан көмөҕө тута барбыттар.

Быһаарбыттарынан, ийэ кыыһын кытта Киллэм сирин-уотун көрөргө, түүн хайа тэллэҕэр хонорго быһаарыммыттар. Үрүссээк уонна балаакка ылбыттар. Оттон күн-дьыл уларыйарын учуоттаабатахтар. Кыыс таҥаһа халтаҥ соҕус, бэрчээккэтэ суох эбит. Киэһээ сэниэтэ эстибит, күүстээх тыалтан балааккаларын кыайан туруорбатахтар. Оттон дьахтар чопчу ханна баалларын билбэт эбит. Аймахтара «122» эрийэн көмө ыҥырбыттар.

Көрдөөһүн кэмигэр быыһыыр бөлөх дрону уонна аварийнай-быыһыыр массыынаны уотун, сигналын холбоон туһаммыт. Кинилэр ийэлээх кыыһы хайа тэллэҕиттэн ырааҕа суох аһаҕас сиртэн булбуттар.

Эмсэҕэлээбит дьону мэдиссиинэ суһал көмөтүгэр туттарбыттар.