Хаартыска: sakha.gov.ru саайтан.
СӨ бастакы вице-премьерэ Дьулустаан Борисов бэҕэһээ, сэтинньи 8 күнүгэр, өрөспүүбүлүкэҕэ олохтоох оҥорон таһаарыыны уонна туризмы сайыннарар бырайыактыыр офис мунньаҕын ыытта.
Мунньах кэмигэр Ил Дархан Айсен Николаев “Саха Өрөспүүбүлүкэтигэр олохтоох оҥорон таһаарыыны уонна туризмы сайыннарыы” 28.03.2024 сыллааҕы 269 №-дээх Ыйааҕын бырайыактарыгар уларытыылары киллэрии боппуруостарын көрдүлэр.
“Ыйаах сүрүн сыала – 2030 сылга олохтоох оҥорон таһаарыы сабардама 2023 сылы кытта тэҥнээн көрүллэр сыананан 1,5 төгүл улаатыахтаах. Ыйаахха 29 сорудах, 21 бырайыак уонна 1 тэрээһиннэр комплекстара киирэ сылдьар”, — диэн бэлиэтээтэ Дьулустаан Борисов.
Бастакы вице-премьер ыйаах бырайыактарын олоххо киллэриигэ үлэ салгыы барыахтааҕа, атын хайысхаларынан былаан-графиктары оҥоруу ирдэнэр диэтэ. Олохтоох бородууксуйаны экспорка таһаарыы туспа көрүллүөхтээх.
Кини ыйаах араас хайысхаларынан араас былааннаах тэрээһиннэрдээҕин, ол эбэтэр алта министиэристибэ күүһүн түмэн туруоруллубут соруктары быһаарар дьайыы туттуллубутун тоһоҕолоон бэлиэтээтэ.
Бастакы вице-премьер туруоруллубут сыалы ситиһэргэ судаарыстыбаннай уорганнар, сайдыы институттара уонна биисинэс бииргэ үлэлииллэрэ наадалааҕын бэлиэтээтэ.
Мунньах кыттыылаахтара бырайыагы олоххо хайдах киллэриини, сөптөөх ресурсаны анаан биэриини, манна олохтоох биисинэһи тардыыны дьүүллэстилэр.
Мунньах түмүгүнэн Ыйааҕы олоххо киллэрэр бырайыактар көннөрүлүннүлэр уонна бигэргэннилэр. Ыйаах олохтоох табаардар уонна өҥөлөр ырыынактарын кэҥэтиигэ, хаачыстыбаларын үрдэтиигэ уонна хамсатыыга сыаллаах диэн иһитиннэрэр Ил Дархан уонна бырабыыталыстыба пресс-сулууспата.
Билигин СӨ Култуура уонна духуобунай сайдыыга министиэристибэтин көҕүлээһининэн кииннэр ситимнэрин олохтуур үлэ бара турар. Ол…
Мин Кириэс Халдьаайыга кэлиэхпиттэн Мария Фёдоровнаны оскуола остолобуойугар көрөрүм уонна учууталларга ураты ытыктабыллаахтык сыһыаннаһарын бэлиэтиирим.…
Норуот сомоҕолоһуутун күнүн чэрчитинэн Дьокуускайга улахан патриоттуу тыыннаах кэнсиэр ыытыллар. Манна байыаннайдартан турар «Мы Есть…
Анал байыаннай дьайыы кыттыылаахтарын 10 мөлүйүөн солкуобайга диэри иэстэрин тохтотуу быраабылатыгар сокуон үлэлииригэр өссө биир…
Бу күннэргэ хоту дойду үгүс олохтоохторо кыстыыр балыктарын булунаары, айахтарыгар сииллэригэр анаан муус аннынан балыктыыллар.…
Күһүн, кыһын хаар түстэҕинэ, ириэрдэҕинэ, суолга муус-хаар бөлтөркөйдөр үөскээн, массыынаҕа да, сатыы дьоҥҥо да мэһэйдииллэр.…