Сенатор Егор Борисовы кытта истиҥ, сэргэх көрсүһүү буолла

Сенатор Егор Афанасьевич Борисов бүгүн, муус устар 26 күнүгэр, Дьокуускайга ыччаты кытта көрүстэ.

Бэлиэтээн суруйдахха, Егор Борисов бэрэсидьиэн эрдэҕиттэн ыччаты, оскуола оҕолорун кытта атах тэпсэн олорон кэпсэтэр, санаа атастаһар. Бу сырыыга кини оҕо сааһын, устудьуоннаабыт сылларын холобур быһыытынан кэпсээн кэпсэтиини олус аһаҕастык, судургутук саҕалаата. Тэрээһин модераторынан СӨ Ыччатын уонна коммуникациятын миниистирин солбуйааччы Надежда Мохначевская буолла. Устудьуоннар  араас ыйытыылапы биэрдилэр. Ол курдук төрөөбүт дойдуга сыһыан, ахтылҕан, көмө, оннооҕор суол-иис кыһалҕатын ыйыталастылар.