Сэтинньиттэн Дьокуускайга баар «Звезднай» микро-түөлбэҕэ уһуйаан тутуллуоҕа

Дьокуускай куорат «Звезднай» микро-түөлбэтин С секторыгар 315 миэстэлээх уһуйаан тутуллуоҕа. Үлэ бу ыйтан саҕаланыаҕа диэн «Объясняем. Республика Саха» телеграм-ханаал иһитиннэрэр.

Тутуу бэдэрээтчитинэн «Адгезия» диэр тэрилтэ буолар. Уһуйааны 2024 сыл бүтүүтэ үлэҕэ киллэрэр былааннаахтар.

Итиэннэ С секторга 2025 сылга 990 үөрэнээччигэ анаммыт оскуола, 2026 сылга сменаҕа 600 киһи сылдьар поликлиниката тутуллара былааннанар диэн «РИА» хампаанньаҕа иһитиннэрбиттэр.