Собону хамаҕатык атыылаһаллар

Киин куоракка “Сайсары” бааһынай ырыынагыттан собону атыылаһааччылар элбэхтэр. Билиҥҥи туругунан, балыгы Кэбээйиттэн,  Уус Алдантан аҕалаллар эбит.

Балык киоскатын атыыһыта этэринэн, Арыктаахтан Ньидьили эбэ собото – 350 солкуобай. Оттон Турбаахыттан кэлбит собону 300 солкуобайга атыылыыллар. Сыана тоҕо араастаһарын ыйыттахха, Арыктаах айана ыраах диир. Эмис баҕайы соболору  мииннээн иһиэхпит диэн дьон хамаҕатык атыылаһар.

Бүгүн өссө Уус Алдан улууһуттан кэлэр собону атыылаһааччылар хас чааска аҕалалларын ыйыталаһаллар.