Госдумаҕа булгуччулаах биир кэлим эксээмэни тохтотор туһунан сокуон барылын киллэрдилэр

Бэҕэһээ кэккэ бөлөх Госдумаҕа булгуччулаах биир кэлим эксээмэни тохтотор туһунан сокуон барылын киллэрдилэр. Ол эбэтэр оскуола үөрэнээччилэригэр эксээмэни баҕа өттүнэн эбэтэр биир кэлим эксээмэни, эбэтэр сүрүн уопсай уонна орто уопсай үөрэх бырагыраамаларын талалларыгар кыах биэрэргэ этэллэр.  

Быһаарыы сурукка сурулларынан, сокуону таһаарааччылар талар кыаҕы оҕолор долгуйууларын кытта сибээстииллэр итиэннэ биир кэлим эксээмэн кэмигэр уоскутар эмтэри туһаныыга Арассыыйа олохтоохторо 472 мөл. солк. тиийэ барыыллар диэн ыйаллар.

Ону таһынан, биир кэлим эксээмэн быраабылата өрүү уларыйа турар, оҕолор бэйэлэрэ бэлэмнэнэр кыахтара суох, онон төрөппүттэр репетитор наймылаһарга күһэллэллэр диэн быһаараллар.

Сокуоҥҥа уларыйыы орто уонна үрдүк үөрэххэ биир кэлим эксээмэн түмүгүнэн буолбакка, оскуоланы бүтэрээччилэр билиилэрин таһымынан киириэхтэрэ диэн эрэллээхтэр. Маныаха салгыы үрдүк үөрэххэ үөрэниэн баҕалаахтар биир кэлим эксээмэни туттарыахтарын сөп дииллэр.