Сунтаарга Ким Павлов тэлгэһэтин аттыгар кыраккыы оонньууллар

Ким Павлов аэропорт тэрилтэ бочуоттаах үлэһитэ. Иллэҥ кэмигэр ыччат дьону куйуурдуурга уһуйар. Аҕа түмсүүтүгэр сүрүн көмө киһи — кини. Кэнники сылларга кыраккыы (городки) оонньууну өрө тутан дьиэтин аттыгар, Вилюйскай уулуссаҕа бу оонньуу былаһааккатын оҥорон үгүс дьону түмэр.

Биэс сыл буолла Ким бу оонньуунан үлүһүйэн дьарыгырара уонна уһуйара. Кэрэ аҥаардар күннэрин иннинэ далбар хотуттары бу оонньууга үөрэтэ сылдьарын көрсөн кэпсэттим.

Кыраккыы оонньуу эбэлэрбит, эһэлэрбит, ийэлэрбит, аҕаларбыт бэркэ оонньоон кэлбит оҕо саастара буолар. Ол да иһин саастаах дьон бу оонньууну көҕүлүүр сыаллаах бу маннык түһүлгэни төрүттүүллэр, нэһилиэктэринэн көһө сылдьан күрэстэри тэрийэллэр.

Тускулаана ГОРОХОВА-КОБЕЛЬЯНОВА