Хаартыска: Тускулаана Горохова-Кобельянова тиксэриитэ
Кэнники кэмҥэ оҕунан ытыы биллэ сайынна.
Дьаархаҥҥа сотору-сотору оҕунан ытыы күрэһин Павел Кырелов кыайа-хото тутарын, тэрийэрин көрөн үөрэбин. Нэһилиэк оскуолатын салайааччыта Николай Охлопков оҕолорго хас да ох саа ылан биэрэн спорт бу көрүҥэ сайдарыгар төһүү буолар. Биһиэхэ оҕунан ытыы Федерациятын бэрэссэдээтэлэ Артем Яковлев, кини аан бастаан бу көрүҥҥэ Валерий Коротов — КуорСуннуун, Нюргуяна Петровалыын күүскэ ылсан үлэлээн саҕалаабыттара. Билигин Федерацияҕа Наталья Федорова, Алена Новгородова, Борис Уларов, Егор Акимов, Павел Кырелов айымньылаахтык үлэлииллэр.
Кэлин баҕалаах элбээн күрэс арааһа тэриллэр. Холобур, бүгүн үөрэх дьылын бүтэрэр кэрэ кэми баттаһа улуустааҕы «Битва выпускников» диэн хамаанданан күрэс ыытылынна. Манна сэттэ хамаанда кыттан кыайыылааҕынан 1989 сыллаахха оскуоланы бүтэрбиттэр, иккис 2006 сыллаахха, үһүс үрдэл 83 сыллаахха бүтэрбиттэр буоллулар. Уопуттаах оҕунан ытааччылары кытта сабыс саҥа холонооччулар хаһыабыт даҕаны… Мин эмиэ бастакытын холонон көрөн бу спорт көрүҥүн олуһун сөбүлээтим. Сүрүнэ охтоох, оноҕостоох уонна тулуурдаах, дьулуурдаах буолуохтаах эбиккин.
Онтон муҥутуур кыайыылаахха күөн күрэс тэриллибитигэр куобаҕы, куһу ытан Наталья Федорова, эр дьоҥҥо куобаҕы табан Андрей Федоров кыайыылаах буолан наҕараадаланнылар. Андрей бу олунньу ыйтан саҕалаан көрдөрүүтэ чаҕылхай, аны «Манчаары оонньууларын» сүүмэрдиир түһүмэҕэр холоноору сылдьарын билиһиннэрдэ. Күрэскэ остуол оонньуутун өрө тутар Мария Васильеваны уонна Таисия Ксенофонтованы көрөн олус хайгыы санаатым. Ааспыкка күрэскэ эмиэ бааллара. Ону таһынан Уустуйаттан Николай Семенов бэркэ ытарын көрөн астынным, сөхтүм.
Биһиги хамаандабыт 10 очкону ылла, онтон үгүһүн бу көрүҥҥэ бастыҥ киһибит, ОДьКХ үлэһитэ Алена Новгородова аҕалла. Кини бүгүн кэлээппин кытта оҕунан ытыыга уһуйда. Онон бэлэмнэниигэ икки куобаҕы, биир куһу ытан баран, күрэскэ кэлэн биири да таппатым. Артем Борисович: «Манна бу бастыҥ ытааччы диэн этэр кыаҕыҥ суох. Ону күрэс, түгэн, оноҕос хайдах көтөрө быһаарар», — диэтэ уонна эрчиллиигэ ыҥырда. Дьэ, бу курдук Сунтаарбытыгар оҕунан ытыы сайдар, дьону түмэр!
Тускулаана Горохова-Кобельянова
Хаартыскалар Тускулаана Горохова-Кобельянова тиксэриилэрэ
Арассыыйа үрдүнэн 14-тэн 22-гэр диэри саастаах оскуола үөрэнээччилэригэр уонна устудьуоннарга аналлаах «Наука. Территория героев» куонкурус…
Дьокуускай куорат 1-кы №-дээх полициятын отделыгар олохтоох киһи үҥсүү түһэрбит. Кини массыынатын бааҕыттан биллибэт киһи…
Муҥхаҕа туттуллар сэп-сэбиргэл арааһа элбэҕинэн биллэр. Анньыы – мууһу алларарга туттуллар тэрил. Муҥха ийэтэ –…
Саха сиригэр анал байыаннай дьайыы бэтэрээннэрин уонна кинилэр дьиэ кэргэттэрин социальнай өйөөһүн салҕанар. Биир сүрүн…
Алдан куоракка сокуоннай сааһын ситэ илик (17 саастаах) эдэр киһиэхэ киһини өлөрүү дьыалатыгар суут бириигэбэрэ…
Дьокуускай куорат полициятын миграцияҕа салаатын үлэһиттэрэ «Омук устудьуона» диэн профилактическай тэрээһин чэрчитинэн үөрэх тэрилтэлэригэр кэлбит…