Сунтаарга саҥа оптуобустар кэллилэр

Модун дойдубут — Арассыыйа аныгы көрүҥнээх, бэртээхэй, аныгылыы оптуобустары оҥорор буолбут. Бастаан, омук тимир көлөлөрө диэн көрбүтүм, оннук буолбатах эбит.

Сунтаарга саҥа  оптуобустар кэлэн иһэллэр диэн төлөпүөммэр «статуспун» элбэх киһи сэргээбитэ. Ол онно хаартыскаҕа эрэ көрбүт буоллахпына бүгүн илэ көрдүм уонна үөрдүм. Тимир көлөлөр Сунтаар нэһилиэгин иһигэр  сүүрүөхтэрэ, ону кытта нэһилиэктэринэн сырыылар баар буолуохтара диэн үөртүлэр. Онтон сатаннаҕына куоракка тиийэ да айанныахпыт. Бу оптуобустары АТП МАУ диэн тэрилтэ үлэлэтиэ, салайааччынан ЖКС тэрилтэҕэ таһаарыылаахтык үлэлээн кэлбит Елена Яковлева үлэлиэҕэ. Киниэхэ, тэрилтэтигэр ситиһиилэри баҕарабыт!

ТУСКУЛААНА ГОРОХОВА-КОБЕЛЬЯНОВА