Татарстаан Өрөспүүбүлүкэтин бэрэсидьиэнэ Рустам Минниханов сорудаҕын толорор сыалтан Тыа хаһаайыстыбатыгар уонна оҥорон таһаарыыга министиэристибэ татаар боруодалаах атынан айаны былаанныыр.
Маныаха биһиги сылгыһыт Дугуйдан Винокуровпыт тэлбит суола холобурга турбутун сылгы иитиитинэн отуттан тахса сыл дьарыктаммыт Татарстаан Тюлячи оройуонун олохтооҕо, 300 төбө сылгыны тутар, татаар атын боруодатын, сүүрүүк аттары анаан иитэр, көрөр-истэр Сагит Гиниятуллин иһитиннэрдэ. Кини бу бырайыакка кыттаары толкуйдана сылдьар эбит.
Сагит Шарифуллович: «Татаар боруодатын киэҥ сиргэ иһитиннэрэр, тарҕатар, ат успуордун өрө тутар, төрүт үгэстэри харыстыыр сыаллаах айанньыттар Татарстаан Өрөспүүбүлүкэтиттэн Башкортостаанынан, Челябинскай, Курганскай, Тюменскай, Омскай уонна Новосибирскай уобаластарынан эргийэн Алтайскай кыраай Барнаул куоратыгар тиийиэхтээхтэр диэн сорук турар. Бэлиэтээн эттэххэ, манна биир эрэ сылгыһыт айаннаабат, оройуоннартан сылгыһыттар мустан барыахтаахтар», — диэн Татарстааҥҥа оробуочай сырыым кэмигэр иһитиннэрдэ.
Татаар атынан айан кэлэр 2023 сыл бэс ыйын 16 күнүттэн атырдьах ыйын 30 күнүгэр буолара диэн былааннанар. Айанньыттар хамнаһынан, хонор сиринэн, аһынан-үөлүнэн уоннатуох баар ирдэнэр малынан-салынан хааччыллыахтара диэн тустаах министиэристибэ эрэннэрэр эбит.
Бүтүн Арассыыйатааҕы "Тиэргэнинэн ыллыыбыт" аахсыйа чэрчитинэн, ыам ыйын 6 күнүгэр Дьокуускайга олорор сэрии бэтэрээннэрин эҕэрдэлээтилэр.…
Улуу Кыайыы 79 сылын туолар үөрүүлээх күнэ чугаһаан иһэр. Аҕыйах хонугунан Кыайыы күнүн, эйэлээх олох…
Быйыл ыам ыйын 1 күнүттэн ахсынньы 30 күнүгэр диэри «Дальний Восток – Земля приключений» Бүтүн…
Саха сиригэр Ил Дархан ыйааҕар уонна да атын дьаһалларыгар сөп түбэһиннэрэн байыаннай дьайыы кыттыылаахтарыгар уонна…
Үгэс быһыытынан норуот синоптига Тускул ыам ыйын билгэлээтэ. ИЛИН ЭҤЭЭР УЛУУСТАР Ыам ыйа илин эҥээр…
Бүгүн иллэрээ сылтан соһуллубут суут түмүктэнэн, Анатолий Чомчоев кыайыыны ситистэ диэн үөрүүлээх сонун кэллэ. Учуонай,…