«ТеплоСтройСервис» генеральнай дириэктэрэ Денис Ананьев: «Биһиги дойдубут син биир кыайыаҕа – кырдьык биһиги өттүбүтүгэр!”

Дьон-сэргэ Арассыыйа уонна Украина сыһыаннаһыыларыгар үөскээбит уустук быһыы-майгы сотору кэминэн көнүөн, дойдубут бу бара турар киирсиилэртэн кыайыылаах тахсыан баҕата улахан.

Денис Ананьев, «ТеплоСтройСервис» ХЭУо генеральнай дириэктэрэ:
— Анал байыаннай эпэрээссийэҕэ барыта сөпкө баран иһэр, оннук да буолуохтаах. Ханна да нацизмы сайыннарар, олохсутар туохха да наадата суох. Биһиги дойдубут ити мөкү көстүүнү өссө 1945 сыллаахха суох оҥорбута. Ол эрээри, ситэ дьакыйбатахпыт. Арҕаа дойдулар көмөлөһө олоруулара бэйэлэригэр охсуулаах буолуон сөп. Сыыһа гыналлар дии саныыбын, биһиги дойдубут син биир кыайыаҕа – кырдьык биһиги өттүбүтүгэр.