Тимошенколар саҥа ыал буолаат, быыбардыы кэллилэр

Удачнай бөһүөлэгэр бүгүн саахсаламмыт Дарья уонна Дмитрий Тимошенколар РФ Бэрэсидьиэнин быыбарыгар куоластыы кэллилэр.

Саҥа ыал ЗАГС-тан ыал буолбут туоһу суруктарын туппутунан, бастакы бииргэ ылыммыт быһаарыныыларынан Арассыыйа Бэрэсидьиэнин быыбарыгар кыттыы буолла.

Дарьялаах Дмитрий быыбардыыр учаастакка киирээттэрин кытта ытыс тыаһа хабылла, эҕэрдэ кутулла түстэ.

«Биһиги бүгүн ыал буолар тус быһаарыныыбытын кытта уопсастыбаннай быыбарбытын эмиэ оҥордубут. Дойдубут сайдарын туһугар бэйэбит куоласпытын биэрдибит», — диэн эдэр ыал санаатын этэр.