Тоҕо 10 киилэ буолбатаҕый?

Бэҕэһээ өрөспүүбүлүкэ ситэриилээх былааһын отчуота Аллайыаха улууһун Быйаҥныыр нэһилиэгэр ыытылынна.

Бөлөҕү салайан тиийбит физическэй култуура уонна успуорт миниистирэ Леонид Спиридонов өрөспүүбүлүкэ сайдыытын кэпсээтэ. Ол кэнниттэн үгүс ыйытыы киирдэ. Быйаҥныырдар кыһыҥҥы суолу көннөрүүнү, элбэх оҕолоох ыалларга дьиэни ылыыга уочарат тоҕо бытаанын, Уһук Хоту дойдуга олорооччуларга булка туох чэпчэтии көрүллэрин ыйыттылар. Ону сэргэ, түргэн интэриниэт хаһан кэлэрин, байыаннай дьайыы кыттыылаахтарыгар көмөнү чопчуластылар. Ыраах дойду олохтоохторо «Якутия» авиахампаанньа пассажирга таһаҕаһыгар Арассыыйа стандартыгар тэҥнээн баран, илиигэ тутан киирэр малын ыйааһына тоҕо 10 киилэ буолбатаҕын туһунан эттилэр.

Ити курдук, үгүс кэпсэтии кэнниттэн быйаҥныырдар ааспыт сыллааҕы үлэни биһирээтилэр уонна ситиһиилэри баҕардылар.

Хаартыскалары А.Большакова ыытта.