Тус бэйэбит хаһаайыстыбабыт сиригэр тугунан дьарыктаныахпытын сөбүй?

– Тус бэйэбит хаһаайыстыбабыт сиригэр тугунан дьарыктаныахпытын сөбүй?

Слепцовтар.

Ыйытыыларга Агро-бырамыысыланнас комплексын ресурсанан хааччыйар киин өҥө оҥорор отделын сүрүн экэнэмииһэ Майя Степановна Гуляева хоруйдаата. Ыйытыылары бэлэмнээһиҥҥэ тустаах киин пресс-сулууспата көмөлөстө.

– Маннык хаһаайыстыбаны тэриннэххитинэ, бэйэҕит туһанаргытыгар эбэтэр атыыга диэн тыа хаһаайыстыбатынан дьарыктаныаххытын сөп. Маныаха сыл аайы сиргэ нолуогу төлүүгүт, ити учаастаккыт кадастровай сыанатыттан быһа холуйан 0,3%. Бэйэ дьарыктаах буолуутун толотторуу уонна идэҕинэн дохуоккар нолуогу төлөөһүн ирдэммэт.

Тугу гыныаххытын сөбүй?

– Оҕуруот аһын, күөх үүнээйилэри, сибэккини, бурдугу уо.д.а. үүннэрэн, атыылыаххытын сөп;

– ыҥырыа иитэн, мүөтүнэн дьарыктаныаххытын сөп;

– көтөрү-кууруссаны иитэн, сымыытынан, куурусса, көтөр этинэн эргиниэххитин сөп;

– сибиинньэни, барааны иитиэххитин сөп.

Дьиҥэ, кыра сиргэ-уокка сүөһүнү иитии уустуктардааҕа биллэр.