Тутуу ыытылла турар сириттэн уорбут

Дьокуускай куорат полициятыгар тутуу икки хампаанньатыттан үлэлиир сирдэриттэн уоруу буолбутун туһунан үҥсүүлэр киирбитэр.

Бастакыга 30  устуука тимир турбаны, иккискэ — ититии тэрилин (11 резистор) уорбуттарын туһунан этиллибит. Хоромньу уопсай суумата 220 тыһ.солк. тахса буолбут.

ИДьМ холуобунай дьыалаҕа управлениетын үлэһиттэрэ куорат отделларын үлэһиттэрин кытары ыыппыт суһал-ирдиир үлэлэрин түмүгүнэн, урут сууттана сылдьыбыт 31  саастаах киһи буолара быһаарыллыбыт.

Быһаарыллыбытынан, бу киһи бэйэтин «ПАЗ» автобуһунан куорат устун сылдьан тутуулар буола турар сирдэрин бэлиэтии көрбүт. Сөптөөх кэмин кэтэһэн туран, бу киһи тутуу сиригэр киирбит уонна уоран ылбыттарын металлоломҥа туттарбыт. Ылбыт харчытынан арыгы атыыласпыт.

Бу дьыаланан РФ ХК 158 ыст. 1 ч. «Уоруу» диэнинэн холуобунай дьыала тэриллибит.

СӨ ИДьМ пресс-сулууспата