Тутуу матырыйаалын тиэрдиэх буолан

Саха сиригэр тутуу матырыйаалын тиэрдиигэ түөкүннээһининэн холуобунай дьыала тэрилиннэ.

ИДьМ коррупцияны утары үлэлиир экэнэмиичэскэй салаатыгар үҥсүү киирдэ. Ол курдук, 2021 сыл атырдьах ыйыттан 2023 cыл ыам ыйыгар диэри 12 чааһынай киһини, икки юридическай сирэйи Бүлүү улууһун олохтооҕо албыннаабыт. Тутуу матырыйаалын тиэрдиэм диэн бу дьону кытта дуогабар түһэрсибит. Бу киһи урбаанньыт кэргэнин аатыттан сакаасчыттан  23 800 000 солк. ылбыт уонна эбээһинэһин толорботох. Бу дьыаланан силиэстийэ тэрилиннэ.  РФ холуобунай кодексатын 159  ыст. 3 , 4 ч «Түөкүннээһин» диэн холуобунай дьыала тэриллибит. Силиэстийэ сабаҕалыырынан, албыннаппыт дьон ахсаана элбэх буолуон сөп.

Уорбаланааччы ханна да ыраах барбатыгар миэрэ көрүлүннэ диэн ИДьМ пресс-сулууспата иһитиннэрэр.