Түөрт кыһыҥҥы суол аһылынна

Түөрт кыһыҥҥы суол аһылынна

Ааптар:
07.12.2022, 07:40
Бөлөххө киир:

Бэҕэһээ Ньурба, Амма уонна Сунтаар улуустарыгар өрүһү туоруур түөрт кыһыҥҥы суол аһылынна. 

Бүгүҥҥү туругунан Саха сирин үрдүнэн өрүстэри туоруурга аналлаах 17 кыһыҥҥы суол үлэлиир.  3 туоннаттан 60 туоннаҕа диэри ыйааһыннаах тимир көлөлөр Өлөөн, Индигиир, Муома, Марха, Бүлүү, Алдан уонна Амма өрүстэргэ баар анал кыһыҥҥы суолларынан сылдьаллара көҥүллэннэ.  Сунтаар улууһугар элбэх кыһыҥҥы суол аһыллыбыт. Ол курдук,  «Сунтаар – Устье», «Устье – Сунтаар», «Кириэстээх – Мииринэй», «Сунтаар – Туойдаах», «Ньурба – Өҥөлдьө» уонна «Түбэй – Сиэйэ» хайысхаларынан 4 туоннаҕа диэри сырыы аһаҕас.

Өлөөн улууһугар «Өлөөн-Харыйалаах» уонна Үөһээ Халымаҕа «Зырянка -Затон» хайысхаларга 30 туоннаҕа диэри, Эдьигээҥҥэ «Эдьигээн-Аэропорт»  хайысхаҕа 20 туоннаҕа диэри,  Муомаҕа «Хонуу – Буор-Сыһыы» уонна «Хонуу-Соболох» хайысхаларга 3 туоннаҕа диэри,  Ньурбаҕа «Мииринэй – Накыын»  хайысхаҕа 60 туоннаҕа диэри уонна «Ньурба – Өҥөлдьө» хайысханан 4 туоннаҕа диэри, Томпоҕо «Хаандыга-Мэҥэ-Алдан» хайысхаларга  4 туоннаҕа диэри, Аммаҕа «Амма-Чакыр» хайысханан 5 туоннаҕа диэри уонна  «Амма-Уус Маайа» хайысханан үс туоннаҕа диэри, Үөһээ Бүлүүгэ «Үөһээ Бүлүү-Хоро»  хайысханан 4 туоннаҕа диэри сырыы олохтонно.

ГИМС иниспиэктэрдэрэ  көҥүллэнэ илик кыһыҥҥы суолунан айанныыр бобуулааҕын туһунан иһитиннэрэллэр.  Санатар буоллахха, Саха сиригэр  көҥүллэнэ илик кыһыҥҥы суолунан дьону тиэйии иһин икки Холуобунай дьыала тэриллибит.

Лента
Салгыы
29 января
  • -45°C
  • Ощущается: -45°Влажность: 64% Скорость ветра: 0 м/с

Сообщить об опечатке

Текст, который будет отправлен нашим редакторам: