Айылҕабыт барахсан араас ураты көстүүлэринэн барыбытын сөхтөрөр, күндүлүүр. Ол курдук, бу күннэргэ Сангаар бөһүөлэгэр үрэххэ муус, хаар «алаадьылар» уста сылдьалларын туоһулуур видео-устуу өрөспүүбүлүкэбитигэр социальнай ситимнэринэн тилийэ тарҕанна. Дьон-сэргэ тута сөхпүтүн, астыммытын биллэрбитэ.
Бу видео-устууну, хаартысканы ким ыыппытый? Кини аата Надежда Федотова диэн, Сангаар олохтооҕо. «Ити видеоҕа көстөр үрэх Сангар бөһүөлэгин аттыгар баар күөлтэн саҕаланан Өлүөнэ эбэҕэ түһэр. Күн аайы кэриэтэ хаамабын. Өлүөнэ биэрэгинэн ити үрэххэ диэри тиийэбин. Соторутааҕыта күнүс алаадьы илдьэн үрэх аттыгар сирбин-уоппун аһаппытым. Сарсыҥҥытыгар тиийбиппэр, алаадьылары уурбут сирим туһаайыытынан, арай, «муус алаадьылар» үрэх сүүрүктээх уутугар эргийэ уста сылдьаллар. Олус ураты көстүү этэ. Сүүрүккэ эргийэр буолан, хайдах эрэ итии хобордооххо буһан сырдьыгыныыр алаадьыларга олус майгынныыллара. Ис сүрэхпиттэн олус диэн үөрбүтүм, астыммытым. Хаамыынан дьарыктаммытым балачча буолла. Олорор сирбиттэн үрэххэ диэри 3 км, ол аата барыта 6 км сири хаамабын», — диэн Надежда Афанасьевна кылгастык кэпсээтэ.
Видео-устууну көрүҥ.
Саха сирин үрдүнэн Улуу Кыайыы 79 сылын көрсө араас тэрээһиннэр ыытыллаллар. Кыайыы күнүн тэрээһиннэрин, мэлдьи…
Бүлүү улууһун Хаҕын нэһилиэгин дьоно-сэргэтэ байыастарга көмөнү оҥорууга көхтөөхтүк кытталлар. Быйыл тэрилтэ үлэһиттэрэ биирдии күннээҕи…
Күн-дьыл туруга бүгүн хайдаҕый? Дьокуускайдааҕы метеосулууспа иһитиннэрэринэн, Халыма-Индигиир оройуоннарыгар сөҥүүтэ суох. Түүнүн Мииринэй, Сунтаар, Ньурба,…
Бүгүн Хаҥалас улууһун Покровскай куоратыгар икки ыйдаах ыраастааһын тэрээһинин уонна уу эбийиэктэрин харыстааһын чэрчитинэн субуотунньук…
Дьокуускай куорат 10-с №-дээх оскуолатын үөрэнээччилэрэ карате-киокусинкайга аан дойдутааҕы күрэхтэһиигэ кыттыахтара диэн СӨ Баһылыгын уонна…
Турция Өрөспүүбүлүкэтин киин куоратыгар Анкараҕа ыам ыйын 5 күнүгэр Кыайыы күнүн көрсө “Өлбөт үйэлээх полк”…