Утуйа сытар дьахтар төлөпүөнүн уоран барбыт…

Төлөпүөнүн уонна харчытын уордаран Дьокуускайдааҕы МУ ИДьМ №1 полиция отделыгар биир дьахтартан сайабылыанньа киирбит.

Тута ыытыллыбыт силиэстийэ түмүгэр уорбаланааччы ким буолара биллибит. Ол курдук  36 саастаах эр киһини кытта  дьахтар  түүҥҥү кулуупка билсибит.  Дьахтар арыгы атыылаһа турдаҕына, эр киһи   төлөпүөнүн паролун уоран көрбүт. Салҕыы дьахтардаах эр киһи  сынньана саунаҕа барбыттар. Хойутуу дьахтар утуйа сыттаҕына эр киһи эмсэҕэлээччи  төлөпүөнүн уоран ылбыт уонна саунаттан барбыт. Дьахтар мобильнай бааныттан эр киһи бэйэтигэр 87 тыһыынча солкуобайы көһөрбүт уонна төлөпүөнү быраҕан кэбиспит.

Билигин төлөпүөнү уонна уоруллубут харчыны хаһаайкатыгар төннөрбүттэр. Уоруйахха РФ Холуобунай кодексын 158 ыстатыйатынан дьыала тэриллибит.

СӨ ИДьМ пресс-сулууспата