Уус Алдаҥҥа мэдиссиинэ өссө биир эбийиэгэ баар буолуоҕа

Быйыл муус устарга Уус Алдан улууһун Бээди сэлиэнньэтигэр биэлсэр-акушер саҥа модульнай киинэ үлэҕэ киллэриллиэҕэ.

Биэлсэр-акушер пууна РФ Бэрэсидьиэнэ Владимир Путин көҕүлээбит «Доруобуйа харыстабыла» уонна доруобуйа харыстабылын бастакы сүһүөх звенотын модернизациялааһын бырагырааматын чэрчитинэн тутуллар.

Бу күннэргэ пуун дьиэтин матырыйааллара аҕалылыннылар. Тутааччылар биригээдэлэрэ үлэтин саҕалаата.
Санатан эттэххэ, улуустааҕы балыыһа аныгы стандартка эппиэттиир 1,5 мөлүйүөн суумалаах тустаах тэриллэринэн сэбилэннэ.