Узбекистаҥҥа бэрэсидьиэн быыбара буолла

Узбекистаҥҥа бэрэсидьиэн быыбара буолан ааста.

Бу иннинэ дойдуну салайан олорбут Шавкат Мирзиёев быыбар дааччылар баһыйар үгүс куоластарын ылан үһүс төгүлүн оннугар хаалла. Узбекистаҥҥа Төрүт Сокуоннарыгар уларыйыылар киирэннэр, бэрэсидьиэн быыбара болдьоҕун иннинэ буолла. Шавкат Мирзиёев 87,05% куолаһы ылан, дойдуну өссө сэттэ сылга салайыаҕа. Узбекистан быыбарын киин хамыыһыйата иһитиннэрбитинэн, куоластааһыҥҥа олохтоохтор барыта 79,8% кыттыбыттар. Шавкат Мирзиёев Узбекистан бэрэсидьиэнинэн 2016, 2021 сыллардаахха талыллыбыта. Ааспыт быыбарыгар быыбардааччылар 80,31% куоластарын ылбыта.

Быйыл Төрүт Сокуоннарыгар уларыйыы киирэн, бэрэсидьиэннээбит болдьоҕо сотуллубут, ону таһынан дойду лиидэрэ биэс сылтан сэттэ сылга диэри болдьохтоох талыллар буолбут.