Валерий Жондоров атын үлэҕэ барарынан дуоһунаһыттан босхолонно

Ил Дархан Айсен Николаев от ыйын 5  күнүнээҕи ыйааҕынан, СӨ Үп миниистирин э.т. дуоһунаһыттан Валерий Жондоров атын үлэҕэ барарынан сибээстээн босхолонно.

Айсен Николаев Валерий Жондоровка кыһамньылаах үлэтин иһин махтанна.

«Биһиги өрөспүүбүлүкэбит  бэйэлэрин дьыалаларыгар бэриниилээх уонна кэскилин туһугар кыһамньыларын ууран үлэлиир дьонноох буолан сайдар. Оннук дьонтон биирдэстэринэн Валерий Алексеевич Жондоров буолар. Валерий Алексеевичка мин бу кыһамньылаах үлэтин иһин улаханнык махтанабын. Кини 2012 сылтан СӨ Үп министиэристибэтин сатабыллаахтык салайда. Валерий Алексеевич дьиҥнээх профессионал, мындыр уонна уопуттаах салайааччы», — диэн этэр Айсен Николаев.

Сиһилии https://www.sakha.gov.ru/news/front/view/id/3407138 манна ааҕыахха сөп.

СӨ Ил Дарханын уонна Бырабыыталыстыбатын пресс-сулууспата