Верхоянскайга баһаартан эмсэҕэлээбиттэргэ сөптөөх көмө оҥоһуллар

Бэҕэһээ, олунньу 9 күнүгэр, Верхоянскай куоракка Киров уулуссаҕа элбэх кыбартыыралаах дьиэҕэ баһаар тахсан, хас да киһи эмсэҕэлээбитэ.

СӨ Доруобуйатын харыстабылын министиэристибэтэ иһитиннэрбитинэн, Дьааҥытааҕы киин балыыһаҕа баһаартан биэс киһи эмсэҕэлээн киирбититтэн иккитэ оҕолор.  Оҕолор уонна икки улахан дьон туруктара орто ыарахан, үһүс киһи ама соҕус. Эмсэҕэлээбиттэргэ мэдиссиинискэй көмө толору оҥоһуллар.

Икки оҕону уонна икки улахан киһини Дьокуускайга Өрөспүүбүлүкэтээҕи 2 №-дээх балыыһа ожоговай киинигэр аҕаларга быһаарыныы ылыллыбыт.