Верхоянскай куоракка баһаарга хас да киһи эчэйдэ

Бүгүн Верхоянскай куоракка Киров уулуссаҕа элбэх кыбартыыралаах дьиэҕэ баһаар тахсан, хас да киһи эчэйиини ылла.

ЫБММ Саха сиринээҕи управлениета иһитиннэрбитинэн, баһаарынайдар кэлбиттэригэр иккис подъезд умайа турар эбит. Тута 9 киһини  эвакуациялаабыттар.

Хомойуох иһин, баһаарга икки оҕо уонна үс улахан киһи эчэйиини ылбыт.

Уопсайа  42 кв.м. умайбыт. Билигин баһаар туохтан тахсыбытын уонна хоромньу уопсай сууматын ааҕаллар.

Баһаары умуруорууга 10 киһи уонна икки тиэхиньикэ үлэлээтэ.