Видеоттан скрин
“Булчуттар бүгүн ытынан суоллаан көрүөхтэрэ”, — диэтэ баһылык
Тоҕо эрэ кэлиҥҥи кэмҥэ эһэ нэһилиэнньэлээх пуун аттыгар сылдьарын устубут видеолар үксээн иһэллэр. Бу сырыыга видеоҕа Өлүөхүмэ улууһун 2-с Нөөрүктээйи нэһилиэгин таһыгар сылдьар тыатааҕыны уһулбуттар. Көрдөххө обургу улахан эһэ, өссө уста турар дьоҥҥо боотургуох, толлубут быһыыта суох көрүҥнээх. Манныкка сатыы хаама сырыт эрэ.
Биһиги нэһилиэк баһылыга Михаил Терентьевкэ төлөпүөнүнэн эрийэн, туох быһаарыныыны ылынан эрэллэрин ыйыттыбыт.
“Эһэни ытарга лицензиябыт баар, булчуттар бүгүн ытынан суоллаан көрүөхтэрэ, — диэтэ баһылык. – Икки нэдиэлэ анараа өттүгэр былырыыҥҥы оҕону бултаабыттара, оттон бу сылдьааччы арыый улахан. Саас олох улахан биир эһэни эмиэ өлөрөн тураллар. Билигин иссэ сылдьар кэмнэрэ, ол иһин боотургууллар”.
Михаил Андрианович этэринэн, тыатааҕы 1-кы, 2-с Нөөрүктээйилэр, Абаҕа диэкинэн биэс сылтан бэттэх элбээбит.
“Дьиҥэр оннук улахан ойуур баһаара суох, арай гаас, ньиэп турбаларын тардалларыттан үргэн кэлэр буолуохтарын сөп”, — диир баһылык.
Бүгүн, олунньу 11 күнүгэр “Сахабэчээт” издательство үлэһиттэрэ Төрөөбүт тыл уонна сурук-бичик күнүн көрсө сахалыы дьыктаан…
Ил Дархан Айсен Николаев Нерюнгрига тиийэн, тэрээһиннэргэ бэлэмнэнии үлэ хайдах-туох ыытылла турарынан сүбэ мунньаҕы ыытта.…
Мөлүйүөнүнэн суумалаах иэстэриттэн уонна суут ирдэбиллэриттэн куота сатааһынтан холуобунай дьыала силиэстийэтэ түмүктэннэ. Дьокуускай куорат суутунан…
Биллэрин курдук, бастакы геологтар Саха сирин алмаастаах түөлбэлэрин аан бастаан арыйалларыгар табаһыттар уонна кинилэр дьиэ…
Үлэһиккэ көрүллүбүт бириэмийэни төлүүр болдьоҕун кэспит үлэ биэрээччилэргэ 50 тыһыынча солкуобайга диэри административнай ыстараап көрүллүөн…
Олоҥхо дойдута Сунтаар - суон сурахтаах оһухайынан, үтүө-мааны үлэһит дьонунан, эрэ буолбакка, кэрэ айылҕатынан араас,…