Владимир Егоров үөрэх уонна наука миниистирин э.т. Нюргуна Соколоваҕа үрдүк сыанабылы биэрдэ
03.10.2023, 17:27
Хаартыска: Андрей Сорокин /СИА
Бөлөххө киир:
Үүнэр көлүөнэ тус сыаллаах пуондатын генеральнай дириэктэрэ Владимир Егоров Саха сирин үөрэҕин уонна наукатын миниистирин э.т. дуоһунаһыгар анаммыт Нюргуна Соколоваҕа үрдүк сыанабылы биэрдэ.
Владимир Егоров үөрэх уонна наука миниистиринэн 2016-2019 сылларга үлэлээбитэ. Кини Нюргуна Соколованы кытта бииргэ үлэлээбитин ахтан туран, орто анал үөрэхтээһини ситиһиилээхтик салайбытын бэлиэтээтэ. Ол кэмҥэ кини үөрэх миниистирин бу салааҕа солбуйааччынан үлэлээбит эбит.
«Нюргуна Афанасьевнаҕа олус эппиэтинэстээх үлэлээх министиэристибэҕэ бары кыаҕын, баай уопутун туһанан үлэлииригэр эрэнэн туран, ситиһиилэри баҕарабын», — диэн бэлиэтээтэ Владимир Егоров.
Нюргуна Соколова 2019-2020 сылларга СӨ үөрэххэ уонна наукаҕа миниистири солбуйааччынан үлэлээбитэ. Быйыл өрөспүүбүлүкэҕэ каадырдары бэлэмниир «Якутия, вперед!» куонкуруска кыайыылааҕынан тахсыбыта. Нюргуна Соколова кандидатурата РФ Үөрэҕириитин министиэристибэтигэр бигэргэтиигэ барда.
Бу иннинэ үөрэх уонна наука миниистиэристибэтин Ирина Любимова салайбыта.
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: