Владимир Путин инаугурацията ыам ыйын 7 күнүгэр буолуоҕа

Арассыыйа Бэрэсидьиэнэ Владимир Путин инаугурацията ыам ыйын 7 күнүгэр ыытыллара билиннэ.

Бу туһунан Федерация Сэбиэтин Мунньаҕар  сенатор Андрей Клишас иһитиннэрдэ. Санаттахха, бу иннинэ Владимир Владимирович бирисээгэни 2018 сыл ыам ыйын 7 күнүгэр ылыммыта.

Итини таһынан бу күн дойду Төрүт сокуонугар олоҕуран, премьер-миниистир салайааччылаах дойду бырабытаалыстыбатын боломуочуйата тохтуур. Туһааннаах дьаһал инаугурация ыытыллар күнүгэр бигэргэнэр.

Тэрээһиҥҥэ ыҥырыллар дьон испииһэгин дойду Бэрэсидьиэнин боротокуолунан оҥоһуллар. Инаугурацияҕа ыҥырыылаах ыалдьыттарынан Бырабыыталыстыба, Федеральнай Мунньах, Госдуума чилиэннэрэ, ону тэҥэ Бэрэсидьиэн дьаһалтатын салайааччылара, Конституционнай суут судьуйалара, Киин быыбардыыр хамыыһыйа уонна дипломатическай куорпус бэрэстэбиитэллэрэ сылдьыахтара.

Санаттахха, 2000 сылтан саҕалаан Бэрэсидьиэн инаугурацията Кириэмил улахан дыбарыаһын Андреевскай саалатыгар тэриллэн ыытыллар.