Владимир Путин «Муус устар» бэстибээл кыттыылаахтарын эҕэрдэлээтэ

Арассыыйа Бэрэсидьиэнэ Владимир Путин «Муус устар» өрөспүүбүлүкэтээҕи ыччат бэстибээл таһымын үрдүктүк сыаналаата. Үгэс быһыытынан бэстибээл кыттыылаахтарын эҕэрдэлээтэ.

«Бу кэрэ, улахан пуоруму ыытыы Саха сирин култуурунай, уопсастыбаннай олоҕор үтүө үгэскэ кубулуйда. Бэстибээл ыччаты түмэр, айымньы араас эйгэтигэр оҕолор бэйэлэрин талааннарын көрдөрөллөр: киинэҕэ уонна ойуулукка, муусукаҕа уонна ускуустубаҕа, успуорт күрэхтэһиилэригэр кытталлар. Итиэннэ бэстибээлгэ кинилэр саҥа табаарыстарын уонна биир санаалаахтарын булуохтарын, интэриэһинэй бырайыактары олоххо киллэриигэ өйөбүлү ылыахтарын сөп. Бэстибээл айымньылаах күлүүһүнэн ыытыллыаҕа, кыттааччылар, ыалдьыттар өйдөрүгэр хатанан хаалыаҕа», — диэн эҕэрдэ суругар этиллэр.

Санатан эттэххэ, тэрээһин «Триумф» успуорт комплексыгар ыытыллар. Манна бүгүн быйылгы ыччат бэстибээлин түмүктүүр шоу уонна 2023 сыл ахсынньытыттан ыытыллыбыт анал күрэхтэр кыайыылаахтарын түмэр сиэр-туом буолуоҕа. «Муус устар» ыччат бэстибээлэ СӨ Бырабыыталыстыбата «ЭльгаУголь» генеральнай партнер-хампаанньаны кытта 2021 сылтан ыытыллар.

 СӨ Ил Дарханын уонна Бырабыыталыстыбатын пресс-сулууспата