Үөһээ Бүлүү улууһун волонтердара оҥорбут харысхаллара байыастарга тиийдэ

Байыаннай дьайыы иккис сылын салҕанан бара турар. Саха сирин үтүө санаалаах олохтоохторун байыаннай дьайыыга кытта сылдьар уонна бааһыран госпиталларга сытар байыастарбытыгар көмөлөрө тиһигин быспакка тиийэ турар.

Бу күннэргэ Үөһээ Бүлүү улууһун Нам нэһилиэгин «Ситим» уран тарбахтаах иистэнньэҥнэрин холбоһуга байыастарга харысхаллары оҥорон ыыттылар. Дойду сылаас тыына иҥэриллибит, арчылыыр, араҥаччылыыр, харыстыыр аналлаах ымыылары «Саха» НКИХ военкордара анал байыаннай дьайыы зонатыгар тиийэн байыастарга түҥэттилэр.

«Эр хоһууттарбытын этэҥҥэ эргиллэн кэлэллэрин күүтэрбитин, кэтэһэрбитин тиэрдэбит», — диэн этэллэр волонтердар